الرئيسية
ليه التغلي ليه طول غيابك؟؟...على الذي عزك تغيرت وش صار
نسيت منهو لعالم النور جابك . والا انت مدفون(ن) تحت كومة حجار
بـ اعذب شعر عليت حضرة جنابك ... اوصلتك نجوم الثريا بالاشعار
واشهرت نجمك لين كل(ن) درا بك ..كنك علم شبت على قمته نار
شوف النجوم شلون تفقد غيابك ...صارت تمنى من حلاياك تختار
حتى العذارى من حروفي تهابك... واصبحت في شرع المزايين معيار
لا تلعب بنار(ن) وتحرق ثيابك... وتكون في دنيا المحبيـن غدار
لا طحت ما تنفعك زهرة شبابك...ما يشفع لذنبك كثيرات الأعذار
ترجع تصيح وتشتكي من مصابك..تبغى تعود وأقفـل بوجهك الدار
واكون انا سبة شقاك وعذابك... بحروف شعري اجعلك قمة العار
بألفين بيت اعليت انا صرح بابك... وفي بيت واحد ادفن ابواب غبار
بطل تغلي قبل اصفي حسابك... واحذرك.. لا يلعب بعبك الفار
تعوذ من ابليس عود لصوابك....تراك واقف في شفا جرف منهار
مفرح العازمي
م/ن
الأدارة